Փոքր ամերիկյան քաղաքներից մեկի ոստիկանները փորձում են մի տարօրինակ գործ բացահայտել: Վերջերս տեղի բնակիչներից մեկի տուն անծանոթ մարդ է մտել: Անկոչ հյուրն իրեն շատ զգույշ է պահել և ոչինչ չի գողացել: Այցի մասին երիտասարդ ամուսինները գուցե այդպես էլ չիմանակյին, եթե չլիներ վիդեոդայակը:
Անհայտ է, թե տղամարդն ինչպես է բացել դուռը և ինչ էր նրան պետք:
Վիդեոդայակի ֆիքսած կադրերում երևում է, թե ինչպես է անծանոթն անցնում 8 ամսական փոքրիկի մահճակալի կողքով, մոտենում երեխայի մորը, կանգնում որոշ ժամանակ և հեռանում:
Ինչպես պարզվեց, տարօրինակ հյուրն իր հետ ոչինչ չի տարել: Սակայն կինը, ում տուն նա մտել է, վախից կորցրել է իրեն: Ոստիկաններին ևս մի փաստ է զարմացնում. առավոտյան տան դռները փակ էին, այսինքն, հավանաբար, տղամարդը ներս է եկել ավտոտնակից:
Փոքրիկի մայրը խոստովանում է, որ շատ է վախենում: Այժմ ամուսինները չեն կարողանում վստահել նույնիսկ ամենամտերիմներին, քանի որ հնարավոր է, որ հենց նրանցից մեկի միջոցով է բանալիների կրկնօրինակը հայտնվել անծանոթ տղամարդու մոտ: Այդ դեպքից հետո կինը կորցրել է քունը, նույնիսկ հրաժարվում է պառկել քնելու, երբ տանը մենակ է մնում: Եվ նրա զգուշավորությունն իզուր չէ, քանի տարօրինակ հյուրը դեռ ազատության մեջ է:
