Մի քանի ամիս առաջ Օտոմն Մոյզիսը վարակվել էր ստրեպտոկոկով: Նրա մայրը տարավ երեխային հիվանդանոց: Երկու մյուս քույրերը՝ Բինթերն ու Քրիսթլինը, գնացին մոր և քրոջ հետ, և նրանք բոլորը միասին նստած էին շտապ օգնության պալատում:
Երեք երեխաներն էլ անհանգստացած և տխուր տեսք ունեին: Հենց այդ ժամանակ էլ նրանց մոտեցավ բժիշկ Չայմա Մետյուն:
Բժիշկը որոշեց բարձրացնել երեխաների տրամադրությունն իր պարի միջոցով:
Նա ինչ-որ երգ միացրեց և սկսեց կատարել պարային շարժումներ, որոնք նման են զոմբիի քայլվածքի: Նրա հումորի զգացումը չմնաց չգնահատված: Շուտով երեք քույրերն էլ սկսեցին ծիծաղել:
Հետո նա մոտեցավ հիվանդի մահճակալին և դառնալով դեպի երեխաների մայրը՝ ծիծաղելի դեմք արեց: Այդ ամենը մայրը հասցրեց նկարահանել հեռախոսով:
Կինն ասաց, որ ինքը երբեք չի տեսել նման բժիշկի, ով այդքան լավ է կարողանում լեզու գտնել երեխաների հետ, և հավելեց, որ 2 րոպեներն անմոռանալի տպավորություն թողեցին երեխաների վրա:
