Ներկայացնում ենք շատ համեղ մուրաբայի բաղադրատոմս, որը մեծ հաճույք կպատճառի բոլորին:
Օշարակը ստացվում է անուշահոտ և խիտ: Ծիրանները պահպանում են գեղեցիկ տեսքն ու նուրբ համը: Պահպանեք բաղադրատոմսը, այն ձեզ միանշանակ պետք կգա:
Անհրաժեշտ բաղադրիչներ.
- 1կգ ծիրան՝ առանց կորիզի
- 800գ շաքարավազ
- 150մլ ջուր
- 30մլ կիտրոնի հյութ
Սկսում ենք գործընթացը.
- Առաջին հերթին ստերիլիզացնում ենք բանկաները և կափարիչները:
- Հետո լավ լվանում ենք ծիրանը և չորացնում: Կտրում ենք մեջտեղից: Հանում ենք կորիզները և դնում կաթսայի մեջ:
- Առանձին կաթսայի մեջ լցնում ենք ջուրը և շաքարավազը: Դնում ենք կրակին և հասցնում եռման աստիճանի: Ընդ որում պետք է անդադար խառնել:
- ԱՎելացնում ենք կիտրոնի հյութը և շարունակում եփել շատ թույլ կրակի վրա 12 րոպե:
- Պատրաստի օշարակը լցնում ենք ծիրանի վրա և փակում կաթսայի կափարիչը: Թողնում ենք 10 րոպե:
- Այժմ քամում ենք օշարակը և կրկին եռացնում՝ 10 րոպե:
- Օշարակը կրկին լցնում ենք ծիրանի վրա՝ այս անգամ թողնելով 20 րոպե:
- Կրկնում ենք նույն գործընթացը:
- Ընդհանուր առմամբ օշարակը եռացնելու գործընթացը կրկնում ենք 5 անգամ:
- Վերջում օշարակը լցնում ենք ծիրանի վրա և եփում մինչև պատրաստ լինելը:
- Լցնում ենք բանկաների մեջ և փակում: Բանկաները փաթաթում ենք տաք ծածկոցով:
Բարի ախորժակ…
